സംസ്ഥാനത്ത് 1,116 പേര്‍ നിരീക്ഷണത്തിൽ
കൊറോണ വൈറസ് രോഗബാധയെ തുടര്‍ന്ന് സംസ്ഥാനത്ത് 1,116 പേര്‍ നിരീക്ഷണത്തിലുണ്ടെന്ന് മുഖ്യമന്ത്രി
തിരുവനന്തപുരം: കൊറോണ വൈറസ് രോഗബാധയെ തുടര്‍ന്ന് സംസ്ഥാനത്ത് 1,116 പേര്‍ നിരീക്ഷണത്തിലുണ്ടെന്ന് മുഖ്യമന്ത്രി പിണറായി വിജയന്‍ അറിയിച്ചു. നിരീക്ഷണത്തിലുള്ളവരില്‍ 967 പേര്‍ വീടുകളിലും 149 പേര്‍ ആശുപത്രികളിലുമാണ് കഴിയുന്നത്. വീടുകളില്‍ കഴിയുന്നവരെ ആരോഗ്യവകുപ്പ് പ്രത്യേകം നിരീക്ഷിക്കുന്നുണ്ടെന്നും ഇവര്‍ക്ക് മാര്‍ഗനിര്‍ദ്ദേശങ്ങള്‍ നല്‍കുന്നുണ്ടെന്നും മുഖ്യമന്ത്രി പറഞ്ഞു.
രോഗം സംശയിക്കുന്ന 807 പേരുടെ സാമ്ബിളുകള്‍ പരിശോധനയ്ക്ക് അയച്ചിരുന്നു ഇതില്‍ 717 സാമ്ബിളുകളും നെഗറ്റീവ് ആയിരുന്നു. ശേഷിക്കുന്ന സാമ്ബിളുകളുടെ ഫലം വരാനുണ്ടെന്നും മുഖ്യമന്ത്രി പറഞ്ഞു.