രാമനാട്ടുകര വാഹനാപകടം മരണം അഞ്ചായി

കോഴിക്കോട്: രാമനാട്ടുകര ബൈപ്പാസിലുണ്ടായ വാഹനാപകടത്തിൽ മരിച്ചവരുടെ എണ്ണം അഞ്ചായി. തിരൂർ മീനടത്തൂർ സ്വദേശിനി സഹീറയുടെ കുട്ടിയാണ് മരിച്ചത്. മെഡിക്കൽ കോളജ് ആശുപത്രിയിൽ ചികിത്സയിലായിരുന്നു കുട്ടി. ലോറി കാറിലിടിച്ചായിരുന്നു അപകടം നടന്നത്. തിങ്കളാഴ്ച മലപ്പുറത്തുനിന്നും കോഴിക്കോട്ടേക്ക് വരുന്നതിനിടെയാണ് കാർ ടോറസുമായി കൂട്ടിയിടിച്ച് അപകടമുണ്ടായത്.