ഓഡി Q4 2019ൽ വിപണിയിലെത്തും.
ലോക വാഹന വിപണിയെ ത്രസിപ്പിക്കാന്‍ ഓഡി Q4 2019ൽ വിപണിയിലെത്തും. സ്പോർട്സ് യൂട്ടിലിറ്റി ശ്രേണിയിൽ Q3 ക്കും Q5 നും ഇടയിലായിരിക്കും പുതിയ മോഡലിന്റെ സ്ഥാനം.
നേരത്തെ മുഖം മിനുക്കിയെത്തിയ റേഞ്ച് റോവർ ഇവോക്ക്, ബിഎംഡബ്യു x2 എന്നിവയോടായിരിക്കും ഓഡി Q 4 മത്സരിക്കുക. രണ്ടാം തലമുറ Q3 നിർമിച്ച അതേ എം ക്വി ബി പ്ലാറ്റ്ഫോമിലാണ് Q 4ന്റെയും നിർമാണം.
പെട്രോൾ, ഡീസൽ എന്നീ വകഭേദങ്ങളോടൊപ്പം ഇലക്ട്രിക് വകഭേദത്തിലും ഓഡി Q 4 പുറത്തിറക്കുമെന്നാണ് റിപ്പോർട്ടുകൾ. 2019 ആരംഭത്തിൽ Q 4 ഔദ്യോഗികമായി പുറത്തിറക്കുമെന്ന് വാർഷിക പ്രസ്സ് കോൺഫറൻസിൽ ഓഡി അറിയിച്ചതായാണ് വിവരം.