സൗജന്യ ബാഗേജ് അലവന്‍സ് എയര്‍ ഇന്ത്യ വെട്ടിക്കുറച്ചു ബാഗേജ് അലവന്‍സില്‍ 20 കിലോയാക്കി
മസ്കറ്റ്: ഗൾഫ് സഹകരണ കൗൺസിൽ(ജിസിസി)അംഗ രാജ്യങ്ങളില്‍ നിന്നു യാത്ര ചെയ്യുന്ന കുട്ടികളുടെ സൗജന്യ ബാഗേജ് അലവന്‍സില്‍എയര്‍ ഇന്ത്യ കുറവ് വരുത്തി . 12 വയസുവരെയുള്ള കുട്ടികളുടെ സൗജന്യ ബാഗേജ് അലവൻസ് 20 കിലോയാക്കി. ഇതുവരെ 30 കിലോ ആയിരുന്നു.എയര്‍ ഇന്ത്യ എക്‌സ്പ്രസിന്‍റെ ഇരുട്ടടി
മസ്‌കറ്റിലെ എയര്‍ ഇന്ത്യയുടെ ഓഫീസില്‍നിന്ന് വ്യാഴാഴ്ച അയച്ച കത്തിലാണ് ഏപ്രില്‍ രണ്ടുമുതൽ പ്രാബല്യത്തിലായ അറിയിപ്പ് വന്നത്. നിലവില്‍ ടിക്കറ്റുകള്‍ എടുത്തിട്ടുള്ള യാത്രക്കാര്‍ക്കു 30 കിലോ ബാഗേജ് അനുവദിക്കും.
പുതിയ തീരുമാനം ഗള്‍ഫില്‍ നിന്നുള്ള മുഴുവന്‍ എക്‌സ്പ്രസ് വിമാനങ്ങളിലും ബാധകമായിരിക്കുമെന്ന് എയര്‍ ഇന്ത്യയുടെ റീജണല്‍ മാനേജര്‍ മൊഹിത് സെയിന്‍ പറഞ്ഞു. ദുബായിലാണ് എയര്‍ ഇന്ത്യയുടെ മേഖലാ ഓഫീസ്. ചെലവു കുറഞ്ഞ വിമാനസര്‍വീസായി ആരംഭിച്ച എക്‌സ്പ്രസ് വിമാനങ്ങൾ ഗള്‍ഫ് രാജ്യങ്ങളില്‍നിന്നുള്ള മലയാളി യാത്രാക്കാർക്ക് ഏറെ അനുഗ്രഹമായിരുന്നു. വിദേശ വിമാനക്കമ്പനികള്‍ പോലും എക്‌സ്പ്രസ് നിരക്കുകള്‍ പരിഗണിച്ചാണ് അവരുടെ നിരക്കുകള്‍ തീരുമാനിച്ചിരുന്നത്. എന്നാല്‍, ഇപ്പോഴത്തെ തീരുമാനം കുടുംബമായി നാട്ടില്‍ പോകുന്നവരെ സാരമായി ബാധിക്കും