ഡൽഹിയിൽ പൊടിക്കാറ്റും മഴയും വിമാനങ്ങൾ വഴിതിരിച്ചുവീട്ടു
ഡൽഹി: ശക്തമായ പൊടിക്കാറ്റിനെയും മഴയെയും തുടർന്ന് ഡൽഹി വിമാനത്താവളത്തിൽ ഇറങ്ങേണ്ട 24 വിമാനങ്ങൾ വഴിതിരിച്ചുവിട്ടു. അപ്രതീക്ഷിതമായുണ്ടായ കാറ്റും മഴയും ഒരു മണിക്കൂറോളം സർവീസ് തടസപ്പെടുത്തി. വിമാനത്താവളത്തിൽ ഇറങ്ങാൻ രണ്ടുതവണ ശ്രമിച്ചിട്ടും പരാജയപ്പെട്ട വിമാനം അമൃത്സറിൽ ഇറങ്ങിയതായി ഒരു യാത്രക്കാരൻ ട്വീറ്റ് ചെയ്തു.
മുംബൈയിൽനിന്നുള്ള നിരവധി വിമാനങ്ങൾ അമൃത്സറിലേക്ക് വഴിതിരിച്ചുവിട്ടതായി വിമാനകമ്പനി അധികൃതർ അറിയിച്ചു. യാത്രക്കാർ സഹിഷ്ണുത കാണിക്കണമെന്ന് വിസ്താര സ്ട്രാറ്റജി ആൻഡ് കൊമേഷ്യൽ ഓഫീസർ സഞ്ജീവ് കപൂർ ആവശ്യപ്പെട്ടു.