വാഷിംഗ്ടൺ ഡിസി: യുഎസിലെ ടെന്നിസിയിൽ നാലു പേരെ വെടിവച്ചുകൊന്ന കേസിലെ പ്രതി അറസ്റ്റിൽ. ട്രാവിസ് റീൻകിംഗ്(29) ആണ് പിടിയിലായത്. ഇയാളുടെ കൈവശമുണ്ടായിരുന്ന ബാഗിൽ നിന്ന് ഹാൻഡ് ഗണ്ണും തിരകളും കണ്ടെത്തിയിട്ടുണ്ട്.
ഞായറാഴ്ച ടെന്നിസിയിലെ നാഷ്‌വിൽ നഗര പ്രാന്തത്തിലെ ആന്‍റിയോക്കിലെ റസ്റ്ററന്‍റിലെത്തിയ അക്രമി നാലു പേരെ വെടിവച്ചുകൊല്ലുകയായിരുന്നു. റസ്റ്ററന്‍റിലുണ്ടായിരുന്ന യുവാവ് അക്രമിയെ കീഴ്പ്പെടുത്തി എആർ-15 തോക്കു കൈവശപ്പെടുത്തി. ഇതോടെ അക്രമി വസ്ത്രമൂരിയെറിഞ്ഞ് ഓടിരക്ഷപ്പെടുകയായിരുന്നു.
അക്രമത്തിനു പിന്നിലെ കാരണം ഇനിയും വ്യക്തമായിട്ടില്ലെന്ന് പോലീസ് വക്താവ് ഡോൺ ആരോൺ പറഞ്ഞു.