പതിനാലുവയസുകാരിയെ ട്രെയിനില്‍കുട്ടാബലാത്സംഗം ചെയ്തു
ഡല്‍ഹി: ട്രെയിനില്‍ പ്രായപൂര്‍ത്തിയാകാത്ത പെണ്‍കുട്ടിയെ ബലാത്സംഗത്തിനിരയാക്കി. ദില്ലി- സഹാരന്‍പൂര്‍ പാസഞ്ചര്‍ ട്രെയിനില്‍ ഞായറാഴ്ച വൈകീട്ട് കാസിംപൂര്‍ ഖേരി റെയില്‍വേ സ്റ്റേഷന്‍ പരിധിയിലാണ് സംഭവം. വനിതാകോച്ചില്‍ യാത്ര ചെയ്യുകയായിരുന്ന ഒന്‍പതാം ക്ലാസ് വിദ്യാര്‍ത്ഥിയെ മൂന്നുപേരടങ്ങിയ അക്രമിസംഘം പീഡിപ്പിക്കുകയായിരുന്നു.
കോച്ചില്‍ പെണ്‍കുട്ടി ഒറ്റയ്ക്കാണെന്ന് കണ്ടതോടെ സംഘം ശല്യപ്പെടുത്തുകയും അക്രമിക്കുകയുമായിരുന്നു. തിരിച്ച്‌ വീട്ടിലെത്തിയ പെണ്‍കുട്ടി ബന്ധുക്കളോട് സംഭവം വിവരിച്ചു.തുടര്‍ന്ന് പെണ്‍കുട്ടിയുടെ പിതാവ് പൊലീസ് പരാതി നല്‍കുകയായിരുന്നു. അന്വേഷണം ആരംഭിച്ച പൊലീസ് പ്രതികളിൽ ഒരാളെ പിടികൂടി. മറ്റ് രണ്ട് പേര്‍ക്കായി പൊലീസ് തിരച്ചില്‍ നടത്തുകയാണ്.