BREAKING NEWS ..ആന്ധ്രയിലെ രാമചന്ദ്രപുരത്ത് ചിറ്റൂരിൽ “റായലയചെരുവു “ജലസംഭരണിയിൽ വിള്ളൽ- 20 ഗ്രാമങ്ങളിലെ ജനങ്ങളെ അടിയന്തരമായി ഒഴിപ്പിച്ചു

തിരുപ്പതി: ആന്ധ്രയിലെ ഏറ്റവും വലിയ ജലസംഭരണിയിൽ വിള്ളൽ രൂപപെട്ടതായി റിപ്പോർട്ട് . രാമചന്ദ്രപുരത്ത് ചിറ്റൂരിലെ റായലയചെരുവു ജലസംഭരണിയിലാണ് വിള്ളൽ കണ്ടെത്തിയത്. അഞ്ഞൂറ് വർഷം പഴക്കമുള്ളതാണ് ജലസംഭരണി. ജലസംഭരണിയിൽ നാലിടങ്ങളിൽ ചോർച്ച ഉള്ളതായി കണ്ടെത്തി. സംഭരണിക്ക് സമീപമുള്ള 20 ഗ്രാമങ്ങളെ അടിയന്തരമായി ഒഴിപ്പിച്ചു. ജലസംഭരണി അപകടാവസ്ഥയിലാണെന്ന് ജില്ലാകളക്ടർ ഹരിനാരായൺ വ്യക്തമാക്കി. ദേശീയ ദുരന്തനിവാരണ സേനയും വ്യോമസേനയും തിരുപ്പതിയിലെത്തി രക്ഷാപ്രവർത്തനങ്ങൾ ആരംഭിച്ചു

Rayalacheruvu katta thegithe chala villages kottuku pothai anta ?,Yeppudu ayna thegochu .#tirupatifloods #TirupathiRains pic.twitter.com/XXm02c0pph

— ®️©️1️⃣8️⃣ ? (@Mohan_Rc_Vk) November 21, 2021

രാമചന്ദ്ര മണ്ഡലിലെ 14 കിലോമീറ്റർ അകലെയുള്ള 500 വർഷം പഴക്കമുള്ള കൂറ്റൻ ജലസംഭരണി രായലച്ചെരുവിലെ ടാങ്ക് ബണ്ടിൽ ചെറിയ തോതിൽ തുറന്നതിനാൽ 16 ഗ്രാമങ്ങളിലെ നിവാസികൾ ഉടൻ ഒഴിഞ്ഞു പോകണമെന്ന് അഭ്യർത്ഥിച്ച് ആന്ധ്രാപ്രദേശിലെ ചിറ്റൂർ ജില്ലാ ഭരണകൂടം ഞായറാഴ്ച വൈകുന്നേരം പൊതുജനങ്ങൾക്ക് മുന്നറിയിപ്പ് നൽകി.

Situation at #Rayalacheruvu#Tirupatifloods pic.twitter.com/WAshuBISpM

— ???? (@__UpendraDhfm) November 21, 2021

കനത്തമ മഴയെത്തുടർന്ന്, ഏറ്റവും പഴക്കമുള്ള ഭീമാകാരമായ ടാങ്കിൽ ഇപ്പോൾ പൂർണ്ണ വെള്ളം നിറഞ്ഞിരിക്കുകയാണ് ഇതേതുടർന്ന് സംഭരണ ഭിത്തിയിൽ വിള്ളൽ രൂപപെട്ടിട്ടുണ്ടെന്നു ഉദ്യോഗസ്ഥർ പറഞ്ഞു.
സ്‌പെഷ്യൽ ഓഫീസർ പി.എസ്. പ്രദ്യുമ്‌ന, ചിറ്റൂർ ജില്ലാ കളക്ടർ എം.ഹരിനാരായണൻ, തിരുപ്പതി പോലീസ് സൂപ്രണ്ട് സി.എച്ച്. വെങ്കട അപ്പല നായിഡു, റവന്യൂ, ഇറിഗേഷൻ ഉദ്യോഗസ്ഥർ എന്നിവർ ടാങ്ക് സന്ദർശിച്ച് അപകടങ്ങൾ ഒഴിവാക്കാനുള്ള ശ്രമത്തിലാണ്.
നിലവിൽ, ടാങ്കിന് അടിയന്തര അപകടമൊന്നുമില്ല, എന്നിരുന്നാലും, മുൻകരുതൽ നടപടിയെന്ന നിലയിൽ ഗ്രാമവാസികൾ അവരുടെ വിലപിടിപ്പുള്ള വസ്തുക്കളുമായി മൂന്ന് ദിവസത്തേക്ക് ഉടൻ ഗ്രാമങ്ങൾ ഒഴിഞ്ഞ് ഉയർന്ന പ്രദേശങ്ങളിലേക്കോ അടുത്തുള്ള എഞ്ചിനീയറിംഗ് കോളേജുകളിലേക്കോ താമസം മാറ്റാൻ തയ്യാറാക്കണമെന്ന് ജില്ലാ ഭരണകൂടം അറിയിച്ചിട്ടുണ്ട് .

Received it from WhatsApp. Be safe in the sorroundings of #rayalacheruvu #Tirupati pic.twitter.com/KMgM8HRGSH

— VRW (@vrwummidi) November 21, 2021

ജലസംഭരണിയിൽ 0.9 ടിഎംസി വെള്ളമുണ്ടെന്നും സംഭരണശേഷി ഇത്രയധികം ഇല്ലാത്തതിനാൽ ജാഗ്രത പാലിക്കണമെന്നും ജില്ലാ ഭരണകൂടം വ്യക്തമാക്കി. സംഭരണിയുടെ സമീപ പ്രദേശങ്ങളിൽ നിന്ന് ആളുകളോട് ഒഴിഞ്ഞുപോകാൻ ജില്ലാകളക്ടർ അഭ്യർത്ഥിച്ചു.
അതേസമയം ആന്ധ്രയിലെ മഴക്കെടുതിയിൽ മരണം 41 ആയി.കാണാതായ അൻപത് പേർക്കായി തിരച്ചിൽ തുടരുകയാണ്.ന്യൂനമർദ്ദത്തിന്റെ ഫലമായി ആന്ധ്രയിൽ ദിവസങ്ങളായി കനത്ത മഴ തുടരുകയാണ്.

@APWeatherman96 @Punganur is already completely covered by flood water coming from @Ramasamudram @Gollapalli @Rayalacheruvu towards @Pungammacheruvu pic.twitter.com/06qNrOEYrg

— Abhi (@Abhijanu1122) November 19, 2021