ഇന്ത്യ കള്‍ച്ചറല്‍ ആന്റ് എഡുക്കേഷന്‍ സെന്റര്‍- ഡാളസ്സ് ചെറിയാന്‍ ചൂരനാട് പ്രസിഡന്റ്, ജോര്‍ജ് ജോസഫ് സെക്രട്ടറി
ഡാളസ്സ്: ഇന്ത്യ കള്‍ച്ചറല്‍ ആന്റ് എഡുക്കേഷന്‍ സെന്റര്‍ വാര്‍ഷിക പൊതുയോഗം 2019-2020 വര്‍ഷത്തെ പുതിയ ഭാരവാഹികളെ തിരഞ്ഞെടുത്തു.
ഡിസംബര്‍ 9 ഞായറാഴ്ച വൈകിട്ട് 4 മണിക്ക് കേരള അസ്സോസിയേഷന്‍ ഓഫ് ഡാളസ്സ് കോണ്‍ഫ്രന്‍സ് ഹാളില്‍ പ്രസിഡന്റ് മാത്യു കോശിയുടെ അദ്ധ്യക്ഷതയില്‍ ചേര്‍ന്ന് യോഗത്തിലാണ് ഭാരവാഹികളുടെ തിരഞ്ഞെടുപ്പ് നടന്നത്.ചെറിയാന്‍ ചൂരനാട് (പ്രസിഡന്റ്), ജോര്‍ജ് ജോസഫ് വിലങ്ങോലിന്‍ (ജനറല്‍ സെക്രട്ടറി), ജോസ് ഓച്ചാലിന്‍ (വൈസ് പ്രസിഡന്റ്),തോമസ് ജ വടക്കേമുറിയില്‍ (ജോ സെക്രട്ടറി), സിജു കൈനിക്കര (ട്രഷറര്‍), വി എസ് ജോസഫ് (ജോ ട്രഷറര്‍), റോയ് കൊടുവത്ത്, ഡാനിയേല്‍ കുന്നേല്‍, പ്രദീപ് നാഗനോലില്‍, ഐ വര്‍ഗീസ്, ബോബന്‍ കൊടുവത്ത്, ടോമി നെല്ലുവേലില്‍, രമണി കുമാര്‍, മാത്യു കോശി, പി ടി സെബാസ്റ്റ്യന്‍ (ബോര്‍ഡ് മെമ്പര്‍മാര്‍) എന്നിവരാണ് പുതിയ ഭാരവാഹികള്‍.
സാമൂഹ്യ സാംസ്‌ക്കാരിക പ്രവര്‍ത്തകനും, ഡാളസ്സ് കേരള അസ്സോസിയേഷന്‍ ഓഫ് ഡാളസ്സ് മുന്‍ ഭാരവാഹിയും, എന്‍ജിനിയറുമായ ചെറിയാന്‍ ചൂരനാട് ഐ സി ഇ സി സ്ഥാപകാംശം കൂടിയാണ് ഇര്‍വിംഗ് ഡി എഫ് ഡബ്ലിയു ഇന്ത്യന്‍ ലയണ്‍സ് ക്ലബ്ബ് പ്രസിഡന്റും, എന്‍ജിനീയറുമായ ജോര്‍ജ് ജോസഫ് വിലങ്ങോലിന്റെ നേതൃത്വം സംഘടനക്ക് പുതിയ ഊര്‍ജ്ജം നല്‍കും. തുടര്‍ന്ന് നടന്ന സംഘടനാ ചര്‍ച്ചയില്‍ രാജന്‍ ഐസക്ക്, പീറ്റര്‍നെറ്റൊ ഐപ് സക്കറിയ എന്നിവര്‍ പങ്കെടുത്തു..